E rëndë në Librazhd/ E mori para rrjedha e ujit, humb jetën roja i kanalit vaditës

Një ngjarje e rëndë është shënuar gjatë ditës së djeshme në fshatin Letëm, Librazhd.

U mësua se 52-vjeçari, i vili ishte roja e kanalit vaditës, për shkak të prurjeve të larta e ka marrë përpara rrjedha e ujit Koshorisht-Zgosht, duke i marrë jetën.

Njoftimi:

Librazhd/Pasditen e djeshme, në fshatin Letëm, Librazhd, dyshohet se aksidentalisht, për shkak të prurjeve të larta, rrjedha e ujit në kanalin vaditës Koshorisht-Zgosht, ka marrë shtetasin Sh. L., 52 vjeç, banues në fshatin Letëm, Librazhd (roja e këtij kanali vaditës), i cili si pasojë ka humbur jetën. Grupi hetimor vijon punën për dokumentimin e plotë ligjor të kësaj ngjarjeje.